வாழ்க்கை வரம் , வாழ்வே சாபம்…

இன்பமும் துன்பமும்

உணர்த்திடும் உணர்வாய்

சிரிப்பும் கண்ணீரும்

வெளிப்படும் கருவியாய்

வெற்றியும் தோல்வியும்

பயில்விற்கும் பாடமாய்

அன்பும் வெறுப்பும்

பழகும் உறவாய்

உயிர்த்த நொடியின்

அழுகையும்

நிறுத்திய சுவாசத்தின்

 மௌனமும்

வாழ்க்கை வரம்

வாழ்வே சாபம்.

Advertisements

மௌனம்

 உன் மௌன போராட்டத்தின்

வெளிப்படா ஒலியின்  மொத்தமாய்

 வரும் ஒரு விசும்பலின்  பின்பான

அமைதி …

எனை மெதுவாய்

கொல்லும் நஞ்சு.

விதை

ஒவ்வொரு இனம் சார்ந்த

படு கொலையும் அதன்

இனம் மூலமே செய்யப்படுகிறது

கோடரிக் காம்பென ,

விழும் ஒவ்வொரு விருட்சமும்

ஆயிரம் ஆயிரம் விதைகளை

உள்ளடக்கிய படியே வீழ்கிறது

விழும் பொழுதேனும்

விதைத்து  விடலாமென….

ஒரு புத்தகம்

ஒரு கேள்வியின் பதிலாய்

ஒரு தேடலின் முடிவாய்

ஒரு போராட்டத்தின் முற்றாய்

ஒரு குழப்பத்தின் தெளிவாய்

ஒரு சோகத்தின் விடியலாய்

ஒரு சந்தர்ப்பத்தின் அவசியமாய்

பல நேரங்களில் ஆகிவிடகிறது

நாம் வாசிக்கும்  ஒரு புத்தகம்.