யாவரும் நாமேதான்…

இனம் கடந்த காதலாய்.

மொழி கடந்த புரிதலாய்

நிறம் கடந்த ஈர்ப்பாய்

மதம் கடந்த மனிதனாய்

தேசம் கடந்த நேசமாய்

யாவரும் நாமேதான்…

எங்கோ விழும் ஒரு துளி கண்ணீர்

நம் மனம் இளக…

யாரோ உணரும் ஒரு மகிழ்வை

நாம் இங்கு பகிர…

அது வரை அறியா ஒருவர்

நம் இதயம் வருட…

யாவரும் நாமேதான்

விரவி பரவும் ஒலி போலே

காற்றில் கரையும் அன்பில்

இருளில் ஒளிரும் விளக்காய்

மனிதம் துடிக்கும் உயிரில்

எல்லைகள் எல்லாம் வரைபடத்தில்

மனங்கள் சிக்கா காகிதமாய்

நம்மை நாமே உணர்ந்து

எங்கும் நம்மை உயர்த

யாவரும் நாமேதான். ..