உன் நிராகரிப்பின் சாயல்களே

என் பலங்களின் அஸ்திவாரங்கள்

ஒவ்வொரு பாராமுகமுமே

ஒவ்வொரு அடித்தளமாய்

அமைத்து கட்டிய கோட்டையின்

மத்தியில் நான் எழுப்பிய

சிம்மாசனத்தின் உச்சத்தில்

நான்,

அதை காண முடியாமல் நீ

சிந்தும் சொற்கனல்கள்

என்னை வந்து சேர்வதேயில்லை

அடிப்பாதாளமாகிய இருட்டுக் 

குகையில்

இருக்கும் உனக்கு என்

வெற்றிகளின் அழுத்தங்கள்

 இம்சிப்பது ஒன்றும்

ஆச்சரியமில்லை……

Advertisements